喜歡吃台灣的古早蛋糕，鬆鬆軟軟夾大大件
成日都諗，如果自己都做得到就好了
無幾耐前問到一個上完朱sir堂的同學仔話好食
尤其是手打台式蛋黃醬配肉鬆
仲用得返上次長崎蛋糕堂送的木框
要學的理由即時多左2個 :p
愈簡單的東西要做得好，基本功愈要紮實
上完堂，都要練習埋先知到自己做得返幾多成
三款蛋糕入面示範的朱古力好食
台式蛋黃醬配肉鬆芝士也有驚喜
(上次上唔到蟹老闆的鹹蛋糕課有點遺憾，學了這款有點補償的感覺)
手打台式蛋黃醬，即打即食
塗在蛋糕面放肉鬆，好夾
上堂自己打一底蛋糕
一半做原味，另一半放芝士片和紫菜肉鬆
份量剛剛好
來緊練習要先做朱古力和老師推介的咖啡桂圓
