今年可能是咁多年最忙碌的一個中秋
被餅友引誘下，竟然做了五式月餅
雖然數量少，步驟卻不能省，加上要追看延禧攻略
這個中秋特別攰 :p
但當等齊5隻來個大合照，覺得都係值得既!
因為轉左爐，要試下爐溫又想試下新譜，
便做了一round紫薯 + 流心奶皇
但流心唔流set左，紫薯都焗左上色唔靚
開工做白豆茸
前年學，今年先來交功課:p
炒呀炒
完成！
到小倉紅豆餡
同樣是浸、煲、打、炒
原先沒打算今年要做流心月餅，所以沒有買迷你冰粒模
先是冰硬一片切粒，再用保鮮紙扭出來。下年一定要買模
經過之前紫薯上晒色的教訓
今次調低了爐溫，一take過搞掂
抹茶紅豆流心 + 焙茶白豆茸流心
兩款茶都好夠濃味
炒開白豆餡，又變身做埋榴槤餡
仲有榴槤肉做心
未焗都聞到陣陣榴槤味
再來一次紫薯
蒸完撈完都炒左兩下，等包時冇甘濕
呢個新模片我好鍾意，特登用佢印紫色，效果好靚
不過焗起線條始終不及玫瑰突出
榴槤同紫薯都出爐
最甜與最清淡的放埋一齊
點都要做多次奶皇，雖然想挑戰多次流心
但始終覺得奶皇一定係包鹹蛋黃最好食，所以遲d先再玩啦
今次包返半隻鹹蛋比佢
下年唔知仲夠唔夠膽玩咁多色呢?
