早前Yim Jim大少同家人去關西旅遊變滯留...
雖然有點擔心，不過我也沒有很閒
因為晚晚煲完延禧攻略，之後仲要開壇整月餅
因為要開壇，難免要自己食飯
不想出街晚飯，又不想吃外賣，順便想要清下那個已迫爆的雪櫃，
自己煮囉！
呢晚加左南瓜落白飯煮
用之前煮好並冷凍了的日式咖哩汁 + 豬五花、洋蔥、紅蘿蔔和小番茄大兜亂
有菜有肉架，好有營 :P
這天想重口味，拿了些藍芝士和忌廉煮汁
仲有自家香草肉丸做了意粉
加點檸檬汁、烘香合桃的香濃意粉，邪惡但好食 XD
但放涼左個汁都係膩左少少
繼續做意粉，同樣有香草肉丸 (清雪櫃丫麻 :P)
不過今次做紅的
甘筍、洋蔥做底加埋番茄意粉醬汁，後下青紅椒比d咬感
再手多落下忌廉 XD
賣相唔靚，但肥膩野真是好好味~
然後食清D
手撕雞胸肉加略煮的三色椒，用少許蒜泥拌勻
加入煮完沖過冰水的素麵，下日式芥末芝麻醬汁撈勻
最後加入大堆韓式調味紫菜碎
清新攻鼻兼而有之 XD
不過同樣都是好食
最後一餐，encore 藍芝士意粉
今次冇晒肉丸，換成醃過的雞胸肉粒，加埋洋蔥同炒
忌廉比上次落少一點，煮麵水加多一點，個汁香得來冇咁漏
食完個粉明明好飽，都係忍唔住切片麵包來點埋個汁
***
後記：原來間中做下完全不用理會別人口味的一人晚餐
感覺好free~ :p
不過，最後Yim Jim返來，我當然冇得講
"掛你掛到瘦晒"啦... 咁食法...
